Engin merki um nýjar gossprungur...

Vísindafólk sem var við rannsóknarstörf við gosstöðvarnar fyrr í dag og fram á kvöld, taldi engin sýnileg merki komin fram enn um að nýjar gossprungur væru farnar að myndast í Meradölum. Mikill fjöldi göngufólks var á gosstöðvunum í kvöld, enda veður sæmilegt til útiveru eftir að rigningunni stytti upp undir kvöld.

Landsvæðið sem hraunið þekur eftir tvo fyrstu dagana frá því gosið hófst er orðið afar víðfeðmt og hraunið rennur um Meradali líkt og stöðuvatn. Eldgosið breytist þannig frá degi til dags, það slokkar í einum gíg á meðan aukinn kraftur færist í aðra.

Vísindfólk sem tók út svæðið í dag, kom til þess að meta aðstæður og kanna hvort nýjar sprungur séu að opnast annars staðar á gosstöðvunum.

Nýta reynsluna frá því í fyrra

Kristín Jónsdóttir hópstjóri náttúruvár á Veðurstofu Íslands, segir hugsanlegt að fleiri sprungur muni opnast. Fylgst sé vel með gasmengun og margt sem vísindafólk hafi lært af gosinu í Geldingadölum ífyrranýtist til þess að meta stöðu og þróun nýjagossins í Meradölum.

Kristín segir gosin tvö áþekk og aðdraganda þeirrasvipaðan, mikilvægt sé að fylgjast með breytingum á sprungum, en ekki síður að vara fólk sem er á ferðinni á svæðinu við þeim hættum sem kunna að skapast í kringum gosið.

Ester Hlíðar Jensen landmótunarfræðingur á Veðurstofu Íslands, segir að myndataka, meðal annars með drónum, nýtist vel til þess að meta jarðhreyfingar og breytingar frá gosinu í fyrra. Þau skoði meðal annars hvort sprungur á svæðinu hafi hreyfst í jarðhræringunum og skjálftunum sem riðu yfir í aðdraganda gossins.

Unnið að því að bæta aðgengi og göngustíga

Hjálmar Hallgrímsson vettvangsstjóri lögreglunnar á Suðurnesjum segir að unnið sé að því aðbæta aðgengi að göngustígum við gosstöðvarnar og hefur nýleið verið stikuð, sem hefst við upphaf leiðar A,

Hann segir að líkur séuá sæmilegu útivistarveðri á morgun, laugardag, en á sunnudag gæti svæðinu verið lokað vegna veðurs, segir Hjálmar og bætir við að næg bílastæði séu við gönguleiðarnar og brýnir fyrir ökumönnum að leggja á afmörkuðum bílastæðum en ekki á þjóðveginum eða úti í vegkanti.

Þá birti Veðurstofan nýtt kort af svæðinu, þar sem afmarkað hættusvæði, sem sjá má hér að neðan.

Í spilaranum hér að ofan má horfa á horfa á umfjöllun um málið í kvöldfréttum ásamt viðtali við vísindafólk og lögreglu á svæðinu.