„Guðfaðir listans“ frábiður sér ásakanir um áreitni...

Hjörleifur Hallgríms, hvatamaður framboðs Flokks fólksins á Akureyri og guðfaðir listans eins og hann kallar sig frábiður sér allar ásakanir um kynferðilega áreitni í garð kvenna á listanum. „Guðfaðir listans“

Þrjár konur í flokknum, þær Málfríður Þórðardóttir, Tinna Guðmundsdóttir og Hannesína Scheving sendu frá frá sér yfirlýsingu í gær þar sem fram kom að þær væru sífellt lítilsvirtar og hunsaðar af karlforystu flokksins. Þá kom einnig fram að sumar þeirra hefðu mátt sæta kynferðislegri áreitni og óviðeigandi framkomu.„Ég raðaði upp öllum 22 mönnum á listann á tveimur vikum Óðinn. Innan fjögurra vikna tilskilinn tíma var hann kominn inn listinn, löglegur til kjörstjórnarinnar hérna á Akureyri,“ segir Hjörleifur.

Þú hefur kallað þig, guðfaðir þessa lista?

„Það er upptekið orð frá mér hjá öðrum, ég er sannarlega guðfaðir, ég á listann.“

Kallar konurnar svikakvennsur

Strax á fyrstu stigum kosningabaráttunnar kastast í kekki milli fólks á listanum, eitthvað sem kom Hjörleifi ekki á óvart.„Af minni fyrri reynslu af þessum, ég segi svikakvensum.Ég leyfi mér að fullyrða Óðinn að þær ætluðu sér að yfirtaka þetta allt saman, mitt framboð, minn lista. Það líð ég aldrei.“

Sjá einnig:„Sagðar of vitlausar eða jafnvel geðveikar“

Ósáttur við Ingu

Inga Sæland, formaður flokksins, sagði í viðtali á Bylgjunni í morgun að ásakanir um kynferðislega áreitni beindust ekki gegn forystumönnum flokksins.

Er hún ekki að tala um að það beinist gegn þér þá?

„Hvað heldur þú, ég tek það þannig og ég sit ekki undir því, dettur það ekki til hugar.Ég mun heilshugar styðja lögreglurannsókn, ég fer alla leið eins og ég kemst.Að láta hana bendla mig við kynferðisofbeldi, það er svo af og frá minni aðgerð og huga til kvenna. Ég hef alla tíð elskað konur og þykir vænt um konur. Aldrei lagt hendur á konur.“

Sendi rós og bauð í kaffi

Samkvæmt heimildum fréttastofu hefur Hjörleifur sent konum í flokknum óviðeigandi skilaboð.„Óviðeigandi skilaboðin frá mér eru þau að Tinna Guðmundsdóttir á afmæli 22. maí og ég sendi henni, í vor sendi ég henni afmæliskveðju og rauða rós. Ég tek það fram ég þorði auðvitað ekki að senda henni nema eina rauða rós.Já og Hannesínu, marghringdi ég í og á endaum svaraði hún ekki því ég ætlaði að bjóða henni hingað heim til mín, þar sem þið sitjið núna í kaffisopa og spjall, ég gerði allt til þess að reyna að settla málin.“

Heldurðu að þær hafi túlkað þessar tilraunir þínar til þess að setla málin sem einhvers konar áreitni?

„Ég skal ekki segja um það því ég tel að þetta sé ekki normalt hjá þeim sko. Þær eru ekki heilbrigðar, hvernig þær láta.“

Ígamla daga klappaði maður kannski stelpu á rassinn án þess að maður væri sakaður um kynferðisofbeldi, það hefði aldrei skeð svoleiðis með mig gagnvart þeim, ég hefði aldrei snert þær einu sinni en þetta væru breyttir tímar og þetta væri bara svona.

Ósáttur við Ingu Sæland

Hjörleifur er ósáttur við framgöngu Ingu Sæland í málinu.„Í aðra röndina kyssir hún mig og kjassar og í hina röndina hundskammar hún mig, það er það sem ég vil segja um það.“